ഇനി അബുദാബിയിൽ എല്ലായിടത്തും PCR ടെസ്റ്റിന് നിശ്ചിത വില
Abu Dhabi PCR test | നിശ്ചിത വില 2021-ലെ സർക്കുലർ നമ്പർ 108 അനുസരിച്ച് അടിയന്തിര സേവനങ്ങൾക്ക് ബാധകമാണ്
അബുദാബി: എമിറേറ്റിലെ എല്ലാ ആരോഗ്യ പരിപാലന കേന്ദ്രങ്ങളും കോവിഡ് -19 നായുള്ള PCR ടെസ്റ്റിന്റെ നിശ്ചിത വില പാലിക്കണമെന്ന് അബുദാബി ആരോഗ്യ വകുപ്പ് കർശനമായി ആവശ്യപ്പെട്ടു. ഇതിൽ സ്വാബ് ശേഖരണം, പരിശോധന, ഫലങ്ങൾ റിപ്പോർട്ടു ചെയ്യൽ എന്നിവ ഉൾപ്പെടുന്നു.
PCR ടെസ്റ്റിനുള്ള AED 65 എന്ന നിശ്ചിത വില 2021-ലെ സർക്കുലർ നമ്പർ 108 അനുസരിച്ച് അടിയന്തിര സേവനങ്ങൾക്ക് ബാധകമാണ്. ഏതെങ്കിലും ഹെൽത്ത് കെയർ പ്രൊവൈഡർ ഈ പ്രോട്ടോക്കോൾ പാലിക്കുന്നില്ലെങ്കിൽ, പിസിആർ ടെസ്റ്റിംഗ് സേവനങ്ങൾ നൽകുന്നതിൽ നിന്ന് പിരിച്ചുവിടുമെന്നും ബന്ധപ്പെട്ട നിയമങ്ങൾ അനുസരിച്ച് പിഴ ഈടാക്കുമെന്നും ഞായറാഴ്ച പുറത്തിറക്കിയ പ്രസ്താവനയിൽ എമിറേറ്റിലെ ഹെൽത്ത്കെയർ മേഖലാ റെഗുലേറ്റർ പ്രസ്താവിച്ചു.
പിസിആർ ടെസ്റ്റിന്റെ ചിലവ് രോഗലക്ഷണങ്ങളില്ലെങ്കിൽ വ്യക്തികൾ തന്നെ വഹിക്കുമെന്ന് വകുപ്പ് വിശദീകരിച്ചു. മറ്റ് സന്ദർഭങ്ങളിൽ, ചെലവ് സർക്കാർ ധനസഹായമുള്ള പ്രോഗ്രാമുകൾ വഹിക്കും. കോവിഡ് -19 പിസിആർ ടെസ്റ്റിന്റെ നിശ്ചിത വില ലംഘിച്ചതിന് ഒരു സ്ഥാപനത്തിന് DoH അടുത്തിടെ പിഴ ചുമത്തിയിരുന്നു.
ആരെങ്കിലും നിയന്ത്രണം ലംഘിച്ചാൽ 024193845 എന്ന ഫോൺ നമ്പറിലൂടെയോ Healthsystemfinancy@doh.gov.ae എന്ന ഇമെയിലിലൂടെയോ അറിയിക്കണമെന്ന് കമ്മ്യൂണിറ്റി അംഗങ്ങളോട് DoH ആവശ്യപ്പെട്ടിട്ടുണ്ട്.
a fixed price for PCR test everywhere in Abu Dhabi PCR test