ബംഗ്ളൂരു കലാപത്തിൽ പ്രതിഷേധം; ആഫ്രിക്കയിൽ ഇന്ത്യക്കാർക്ക് എതിരെ ആക്രമണം, വ്യാപാര സ്ഥാപനങ്ങൾ കത്തിച്ചു

മയക്കുമരുന്ന് കടത്തിയതിന് അറസ്റ്റിലായ കോംഗോ സ്വദേശിയുടെ കസ്റ്റഡി മരണമാണ് പ്രശ്നങ്ങളുടെ തുടക്കം. ഇതിൽ പ്രതിഷേധിച്ചു തിങ്കളാഴ്ച ജെസി നഗർ പോലീസ് സ്റ്റേഷന് പുറത്ത് പ്രകടനം നടത്തിയ 25 ഓളം ആഫ്രിക്കൻ പൗരന്മാരെ പിരിച്ചുവിടാൻ പോലീസ് ലാത്തിച്ചാർജ് നടത്തിയിരുന്നു.

സംഘർഷത്തിൽ രണ്ട് പോലീസുകാർക്കും നിരവധി പ്രതിഷേധക്കാർക്കും തലയ്ക്ക് പരിക്കേറ്റു. അഞ്ച് പേരെ കസ്റ്റഡിയിലെടുത്തിട്ടുണ്ട്. ഇതേ തുടർന്നാണ് ആഫ്രിക്കയിൽ ഇന്ത്യക്കാർക്കെതിരെ പ്രതിഷേധം ആരംഭിച്ചത്. ഇന്ത്യക്കാരുടെ വ്യാപാര സ്ഥാപനങ്ങൾ പ്രതിഷേധക്കാർ കത്തിച്ചു. ഇപ്പോഴും കോംഗോയിൽ പ്രതിഷേധം തുടരുന്നതായാണ് വിവരം.

അതേസമയം മയക്കുമരുന്ന് റാക്കറ്റിലുള്ളവർ അക്രമാസക്തമായി പെരുമാറുന്നതിനാൽ പോലീസ് ലാത്തിച്ചാർജിനെ പ്രതിരോധിച്ച മുഖ്യമന്ത്രി ബസവരാജ് ബൊമ്മൈ സംഭവം സിഐഡി അന്വേഷിക്കുമെന്ന് പറഞ്ഞു. “പ്രതിഷേധക്കാർ പോലീസിനെ ആക്രമിക്കാൻ ശ്രമിച്ചപ്പോൾ, ശരിയായ നടപടി സ്വീകരിച്ചു,” മുഖ്യമന്ത്രി കൂട്ടിച്ചേർത്തു. അത്തരം കേസുകളിൽ എൻഎച്ച്ആർസി മാർഗ്ഗനിർദ്ദേശങ്ങൾ അനുസരിച്ചായിരിക്കും അന്വേഷണം എന്ന് സിറ്റി പോലീസ് കമ്മീഷണർ കമൽ പന്ത് പറഞ്ഞു.

മയക്കുമരുന്ന് ഉപയോഗിച്ചതിന് അറസ്റ്റിലായ കോംഗോ പൗരനെ പോലീസ് മർദ്ദിച്ചതായി പ്രതിഷേധക്കാർ തെറ്റായ ആരോപണങ്ങൾ ഉന്നയിക്കുകയായിരുന്നു പോലീസ് കമ്മീഷണർ പറഞ്ഞു. ഹൃദയാഘാതം മൂലമാണ് മരിച്ചതെന്നും ശാരീരിക പരിക്കുകളില്ലെന്നും ഡോക്ടർമാർ പറയുന്നു. മരണത്തിന് പിന്നിലെ കാരണം അന്വേഷണത്തിൽ വ്യക്തമാകും. പക്ഷേ, പ്രതിഷേധക്കാർ തെറ്റായ പ്രസ്താവനകൾ നടത്തുകയും പോലീസിനെ ആക്രമിക്കുകയും ചെയ്തതായി പോലീസ് കമ്മീഷണർ കൂട്ടിച്ചേർത്തു.

PEOPLE OF CONGO IS BURNING SHOPS OF INDIANS DUE TO BANGALORE CONGO ISSUE